Алматы қаласында Күн белсенділігінің жер сілкіністеріне ықпалына арналған ашық ғылыми-танымдық семинар өтеді.

Іс-шара Сейсмологиялық бақылаулар мен зерттеулердің ұлттық ғылыми орталығы базасында ұйымдастырылып, еліміздің жетекші академиктері мен сала сарапшыларын біріктіреді.

Семинар спикері — Алихан Гатаулин, Space Lab ұйымындағы Күн бағытының жетекшісі және NASA Space Apps Challenge финалисі.

Семинар барысында:

• Күндегі жарқылдардың тектоникалық белсенділікке ықпалы;
• ғарыштық ауа райының жер қыртысына әсері;
• сейсмикалық белсенділікті болжаудың заманауи технологиялары қарастырылады.

📅 Күні: 22 сәуір

🕙 Уақыты: 10:00

📍 Өтетін орны: Алматы, Сейсмология институты

🎟 Кіру: тегін

Барлық қызығушылық танытушылар шақырылады.

Іс-шара аясында орталық мамандары мұнай-газ және өнеркәсіп саласының өкілдерімен жұмыс кездесулерін өткізіп, техногендік сейсмикалық мониторинг, геофизикалық зерттеулер және өнеркәсіптік қауіпсіздік саласындағы заманауи тәсілдерді талқылады.

Сондай-ақ инфрақұрылымның сенімділігі мен тұрақтылығын арттыруға бағытталған технологияларға, деректерді автоматтандырылған бақылау және талдау бойынша цифрлық шешімдерге ерекше назар аударылды.

Көрмеге қатысу нәтижесінде:

• орталықтың кәсіби құзыреті мен сараптамалық әлеуеті кеңейді;
• жаңа технологияларды енгізу және дамыту бағыттары айқындалды;
• мұнай-газ және өнеркәсіп кәсіпорындарымен өзара іс-қимыл нығайтылды.

Алынған нәтижелер сейсмикалық мониторинг жүйелерін дамытуға және өнеркәсіптік нысандардың қауіпсіздігін арттыруға ықпал етеді.

Қазақстан Республикасы ТЖМ Сейсмологиялық бақылаулар мен зерттеулер ұлттық ғылыми орталығы мен Қазақстан ұлттық деректер орталығы өкілдерінің қатысуымен ведомствоаралық ынтымақтастықты дамытуға бағытталған жұмыс кездесуі өтті.

Кездесу Қазақстан ұлттық деректер орталығы базасында өтті. Оған ННЦСНИ директорының орынбасары Ерік Әліпұлы, техногендік сейсмикалылық зертханасының меңгерушісі Бекболат Ташев, КНЦД директоры Наталья Михайлова және директордың орынбасары Айдын Мухамбаев қатысты.

Келіссөздер барысында тараптар деректер алмасу, ғылыми тәжірибе бөлісу және сейсмология саласындағы бірлескен бастамаларды дамыту мәселелерін талқылады.

Кездесу қорытындысы бойынша сейсмологиялық зерттеулер бағытында бірлескен жұмыстарды қайта жаңғырту, нығайту және одан әрі дамыту жөнінде келісімге қол жеткізілді. Тараптар серіктестік қатынастарды күшейтуге және алдағы уақытта бірлескен жобаларды іске асыруға қызығушылық білдірді.

Сейсмологиялық байқау және зерттеулер ұлттық ғылыми орталығы 2026 жылғы 25–30 сәуір аралығында Ташкент қаласында өтетін Азия сейсмологиялық комиссиясының 16-шы Бас ассамблеясына (ASC2026) қатысуда.

Ассамблея аясында Орталық мамандары баяндамалар жасап, халықаралық әріптестермен жұмыс кездесулерін өткізуде, сейсмологиялық зерттеулерді дамыту және сейсмикалық тәуекелдерді азайту мәселелеріне ерекше назар аударуда.

2026 жылғы 28–29 сәуірде Баку қаласында (Әзербайжан) «Әзербайжанның сейсмикалық қауіптілігі мен сейсмикалық тәуекелін бағалау» атты республикалық ғылыми конференция өтті.

Конференцияға «Солтүстік Тянь-Шаньдағы жер сілкіністерінің геоэлектрлік алдын ала белгілері» тақырыбындағы баяндамамен «Сейсмологиялық байқау және зерттеулер ұлттық ғылыми орталығының» кіші ғылыми қызметкері Киланбекова Перизат Утепбергенқызы қатысты.

Баяндама сейсмикалық оқиғалардың алдын ала белгілерін зерттеудің заманауи тәсілдеріне және мониторинг жүйелерін дамытуға арналды.

Осындай ғылыми іс-шараларға қатысу тәжірибе алмасуға, халықаралық ынтымақтастықты нығайтуға және сейсмология ғылымын дамытуға ықпал етеді.