ХАЛЫҚАРАЛЫҚ ЫНТЫМАҚТАСТЫҚ

Сейсмология институты халықаралық ынтымақтастығын құрылған күннен бастап сейсмология саласындағы әлемнің көптеген жетекші бөлімдерімен және халықаралық ұйымдармен жүзеге асырып келеді. Олардың ішінде ЮНЕСКО, JICA, Шыңжаң-Ұйғыр Автономиялық Ауданының Жер сілкінісі жөніндегі басқармасы (ШҰАР, ҚХР), Ресей Федерациясының Бірыңғай геофизикалық қызметі, Өзбекстан, Қырғызстан, Тәжікстан мемлекеттердің сейсмология институттары, Жапонияның сейсмология және жер сілкінісіне қарсы инженерия халықаралық институты, Бішкек қаласындағы Ресей Ғылым Академиясының Халықаралық ғылыми-зерттеу орталығы-Геодинамикалық сынақ алаңы (МНИЦ-ГП), «ВУЛКАН» ғылыми-өндірістік компаниясы (Мәскеу, РФ), Гельмгольц атындағы Халықаралық геофизикалық орталық (Германия) деген ұйымдарды атап өтуге болады.

Соңғы 13 жылда институт халықаралық ұйымдармен және шет мемлекеттердің ғылыми мекемелерімен 19 келісім-шарттар мен келісімдер жасасты. Ғылыми-зерттеу жұмыстары мен оларды келісім-шарттар мен келісімдердің орындалуын қамтамасыз етуде институт ғалымдары мен қызметкерлері заманауи зерттеу әдістерін қолдана отырып, шағымсыз, талап етілетін сапамен және келісілген мерзімде жүргізді.

Шетелдік әріптестермен ғылыми салада білім алмасу жүйелі түрде жүзеге асырылады – Институт қызметкерлері сейсмология бейіні бойынша елдерде тағылымдамалардан өтіп, сол ұйымдарда өздерінің жоғары халықаралық тәжірибесін көрсетті.Шетелдік әріптестер оған қоса «Сейсмология институты» ЖШС қызметкерлерінің стандартты емес мәселелерді шешу қабілетін, олардың кәсіпқойлығын, саналылығын, озық тәжірибесі мен шығармашылығын атап өтеді.

Жас сейсмологтар мектебі, Душанбе, Тәжікстан Республикасы, қыркүйек 2019 ж.

Соңғы жылдары институттың 33 қызметкері сейсмология бойынша жетекші елдерде (Жапония, Қытай) бір айдан бір жылға дейін созылатын дайындық курстарынан өтті. 2018 жылы институт қызметкерлері Жапонияда JICA (2017-2018 ж.ж.) ұйымдастырған «Жер сілкінісінен қорғау және жер сілкінісіне төзімді технологиялар» курсы бойынша, Қытайда (Пекин, Чжухай, Чэнду) «Жер сілкінісін бақылау әдістері бойынша Орталық Азиядан Солтүстік Азияға дейінгі диапазонда орналасқан елдер үшін», Азия сейсмологиялық комиссиясы ұйымдастырған 1-оқу курсынан өтті. Сондай-ақ «Азия сейсмологиялық комиссиясының 12-ші бас ассамблеясы», «Вэньчуань жер сілкінісін еске алу халықаралық конференциясы», «Континенттік жер сілкінісі бойынша 4-ші халықаралық конференциясы» деген шаралар жұмысына қатысты.

Соңғы жылдары Институт Халықаралық ғылыми-техникалық орталықтың (ХҒТО) «Орталық Азияның сейсмикалық қауіптілігін бағалау және бюллетеньді унификациялау (Central Asia Seismic Hazard Assessment and Bulletin Unification (CASH-BU)) – KR-2398» жаңа жобасының қатысушысы болды.

Бейжің Ұлттық Жер обсерваториясының басшылығымен, ҚХР Геофизика институтымен, ҚХР Жер сілкінісі жөніндегі басқармасымен байланыс орнатты. ASC Бас Ассамблеясының, Еуропалық геоғалымдар мен инженерлер қауымдастығының (EAGE) шақыруы бойынша «Сейсмология институты» ЖШС және «СОМЭ» ЖШС қызметкерлерін оқыту курстарына қатысу туралы келісімдер бар, олармен әртүрлі бірлескен жұмыс түрлерін жүргізу мәселелері пысықталуда.

Ресей тарапының оқу курстарына қатысуына байланысты ҚХР Геофизика институтымен және Қытай Халық Республикасындағы Бейжің ұлттық жер обсерваториясымен Ресей Федерациясының Бірыңғай геофизикалық қызметімен бірлескен жұмыс жүргізілді.

«Бір белдеу – бір жол» бағдарламасы аясындағы Сейсмикалық қауіп-қатерді азайту жөніндегі үйлестірушілер отырысында Сейсмология институтының өкілі – Алла Садықова, Бейжің, 2019 ж.

2021 жылдың 11-14 мамыры аралығында Италияның RED институтымен бірлесіп және Дүниежүзілік банктің қолдауымен «Орталық Азия үшін бірыңғай тәуекелге ұшырау бойынша экспозиция дерекқорды құру бағытында» бірегей семинары қашықтан ұйымдастырылды. Осы халықаралық шарада Қазақстан аумағындағы қор, ауыл шаруашылығы және инфрақұрылым бірінші рет тұрғын үй нысандарының экспозициясы талқыланды. Бұл семинар Еуропалық Одақ мақұлдаған «Орталық Азияда қаржылық тұрақтылықты нығайту және апаттар қаупін азайтуды жеделдету үшін жер сілкінісі мен су тасқыны қаупін Бірыңғай аймақтық бағалау және көшкіннің таңдалған сценарийлерін талдау» жобасының бөлігі болды.

UNESCO-IPRED 10-шы жыл сайынғы сессиясы (ЮНЕСКО демеушілігімен Сейсмикалық апатты азайту жөніндегі халықаралық платформа), қараша 2018 ж. Қатысушы: Наталья Силачева.

2021 жылғы 15-16 қыркүйек аралығында ҚР ТЖМ Сейсмология институтының аумағында ҚХР ШҰАР Жер сілкінісі жөніндегі басқармасымен және ҚР ТЖМ өкілдерімен бірлесіп, жартылай онлайн форматында Тянь-Шань аумағындағы жер сілкінісі бойынша 10-шы Қытай-Қазақстан халықаралық симпозиумы ұйымдастырылды.

Бұл шара Қазақстан Республикасы Тәуелсіздігінің 30 жылдығына орайластырылды. Бұл симпозиумда сейсмология институты жетекші қазақстандық мекемелердің қатысуымен түрлі тақырыпта 19 баяндама жасады.

Симпозиумның соңында баяндамалар Inland Earthquake баспасының ««The Collection of Abstract papers of Tenth International Symposium on Tianshan Earthquakes» журналында жарияланды.

2021 жылдың желтоқсан айында ҚР ТЖМ «Сейсмология институты» Төтенше жағдайлар және зілзала қаупін азайту орталығымен, Орталық Азия қолданбалы геоғылымдар институтымен және «I2NIK» ЖШС-мен бірлесіп, Қазақстан Республикасы мен Қырғыз Республикасының жер сілкіністері кезінде алдын ала хабарлау жүйелерін (кейін — ААХЖ) біріктіру бойынша бірлескен шараларды жүзеге асыру үшін төртжақты меморандумға қол қойды.

Бұл меморандум Орталық Азия елдері арасында ААХЖ саласында жинақталған тәжірибені ілгерілету және жетекші сейсмологиялық бөлімдер арасында диалог құру үшін қажет.

Институт Сейсмологии

Кері
байланыс үшін
қоңыраулар

Лого 2

Институт Сейсмологии

Байланыс құралдары

Адрес: Аль-Фараби, 75А

Қайта қоңырау шалу үшін өтініш қалдырыңыз